You are here

ITERAMBERE RYIFASHE RITE MURI NYAMAGABE ?

Nyamagabe: Umuryango w’abantu batatu mu nzu ya metero imwe isakaje ihema-Amafoto

bavakure

 

Mu murenge wa Gasaka w’akarere ka Nyamagabe, umuryango wa Bavakure uba mu nzu itarengeje meteri imwe kandi isakaje shitingi. Ibi ngo byatewe n’ubuyobozi bwasabye Bavakure kugabanya inzu yubakaga, ngo ihwanye n’amabati yemerewe, nyamara birangira nayo Gitifu ayariye.

Ni mu kagari ka Kigeme, mu mudugudu wa Gakoma, muri Gasaka. Bavakure afite umugore n’umwana. Batuye mu mudugudu w’abahejejwe inyuma n’amateka, mu nsi gato n’inkambi y’abanyekongo ya Kigeme.

Bamwe mu baturage bari muri uyu mudugudu biganjemo abahejejwe inyuma n’amateka, bavuga ko bababazwa n’ubuzima babayemo ariko cyane akavugira mugenzi wabo witwa Bavakure. Si nawe wenyine kandi, kuko hari n’uwitwa Gahenderi ufite abana babiri.

 

bavakure-bwiza

Bubaka inzu, ibiti bikaborera hejuru babuze isakaro

Aba baturage bavuga ko uyu Bavakure yemerewe amabati kimwe na bagenzi bikarangira ayabuze ngo kuko yagiye ananizwa n’umunyamabanga nshingwabikorwa w’Akagari witwa Nkundimana Noheli na bamwe mu bayobozi b’umurenge. Mu kumunaniza bamusabaga kugabanya inzu yari yubatse (ayigabanya ubugari ), birangira ageze kuyo atuyemo ifite metero 1 itageze ubu ndetse n’amabati ntayo ikaba isakajwe shitingi.

inzu-ishaje-bwiza

Uyu we yarubatse ibiti birimo birabora kubera kubura isakaro

Nk’uko bigaragara ku mafoto yafashwe na bwiza.com, si uyu wenyine ufite ikibazo gusa, kuko abaturage bo muri uyu mudugudu bamwe na bamwe badafite aho kuba kubera ko amabati bemerewe nk’ubufasha atigeze abageraho, ahubwo yaburiye mu buyobozi bw’Akagari.

shiting

shi

Bategereje amabati abuze basakaza shitingi n’ibti

toirete-bwiza

Uyu ni umusarane ukoreshwa kandi uri ku inzira

inzu